मनहरि तिमिल्सिना

 – मनहरि तिमिल्सिना मार्क्सवादी लेखक एवं चिन्तक गोपीरमण उपाध्यायले आफ्ना दार्शनिक रचनाहरूको सारांशको संकेन्द्रित कृतिका रूपमा प्रकाशित गोष्ठीपत्र प्रकाशन आफैमा मौलिक ग्रन्थ हो। विगतका गोष्ठीहरूको परम्पराभन्दा मौलिक ढाँचाको यस विचारमन्थनले दर्शनको गुरूत्व, विकासक्रम र वर्गीय पक्षधरताका दृष्टिले समेत महत्वपूर्ण अर्थ राख्दछ। यस मौलिक र महत्वपूर्ण कार्यक्रमका निम्ति आदरणीय गुरू गोपीरमण लगायत समस्त विद्वत् वर्गमा बधाइ एवं शुभकामना व्यक्त गर्दछु। दार्शनिक विचार गोष्ठीपत्रमा मूलभूत रूपमा तीन महत्वपूर्ण सामग्री समाविष्ट छन्, पहिलोः आधारपत्रका रूपमा आजका प्रगतिशील बुद्धिजीवीहरूको कर्तव्य, दोस्रोः अध्यात्मवादी दर्शन र भौतिकवादी दर्शनको अन्तर्वस्तु विषयक अवधारणापत्र र तेस्रोः गोष्ठीपत्रमाथि विद्वान्हरूले प्रस्तुत गर्नुभएका पूरक विचार वा टिप्पणीहरू। यद्यपि, अवधारणापत्रका रूपमा परिभाषित गरिएता पनि दर्शनबोध र दृष्टिकोण निर्माणका दृष्टिले कृति संक्षिप्त तर गहन ग्रन्थ देखिन्छ। प्रस्तुत कृतिमाथि मैले निम्न टिप्पणी प्रस्तुत गरेको छु : १.     कमरेड पुष्पलालको आजका प्रगतिशील बुद्धि...